Laurita Siles
Artista eta ikertzailea, Marbellan jaioa 1981ean. Euskal Herriko Unibertsitatean Cum Laude doktorea 2017an.
Mutur Beltz @ 2018
Lurraldearekiko kezka erakusten du; ingurumen krisitik hasi eta sustraien galerak eragindako nostalgiaraino.
Gaur egun Karrantza Harana eta Algortako Portu Zaharra (Bizkaia) artean bizi da, non Joseba Edesarekin batera Mutur Beltz proiektua sortu zuen.
Arte Ederretan formatua Malagan, Valentzian, Islandian, Vancouverren eta Euskal Herrian, bekak eta egonaldiak izan ditu Arteleku (Donostia), Marlouflims (Bordele, Frantzia), MA Studio (Pekin, Txina), The Banff Centre (Kanada), Gullkistan (Islandia), BilbaoArte Fundazioa, Shedding the Skin (Linz, Austria), Ming Studio (Boise, AEB) eta Djúpavík Art Factory (Islandia) bezalako zentroetan.
Bere lana hainbat herrialdetako tailer, hitzaldi eta erakusketetan partekatu da, eta azken urteotan nazioarteko proiektuetan parte hartu du, hala nola Contextile Ehungintza Artearen Biurtekoan (Guimarães, Portugal) eta Moving Hands, Weaving Futures kolektiboan (Djúpavík Art Factory, Islandia).
Bere ibilbidearen aitorpen gisa, jaso du Artisautzako Ekintzailetza Sari Nazionala (2024), artisautza, iraunkortasuna eta lurraldea lotzen dituen eredu berritzaile bat bultzatzeagatik; Eusko Jaurlaritzaren Elkarlan Saria (2024), landa eremuan komunitatearen lankidetza eta berrikuntza soziala sustatzeagatik; Unicaja Fundazioaren Lehen Saria Tapiz eta Ehungintzan (2024); Don Producto-ren Lehengai Saria (2025), tokiko baliabide bat berrikuntza kultural eta ekonomiko bihurtzeko duen gaitasunagatik; eta Karrantza Naturala Saria (2025), erresistentzian dagoen haran baten kultur, ekonomia eta sinbolismoaren iraunkortasunari egindako ekarpenagatik.
JOSEBA EDESA
Karrantzan jaioa 1985ean, artzain jatorriko familia batean. Lanbidez Gorputz Hezkuntzako irakaslea.
Mutur Beltz @ 2018
Karrantzan jaioa 1985ean, artzain jatorriko familia batean. Bere lan jarduera gorputz hezkuntzako irakasle gisa garatu du Bizkaiko hainbat zentrotan, bai hezkuntza publikoan bai pribatuan. Jarduera Fisikoaren eta Kirolaren Zientzietan lizentziatua eta Gorputz Hezkuntzako Magisteritzan diplomatua, Arantzazuko Artzain Eskolan ere formatu da, ardi sektorearen inguruko bere jardueraren profesionaltasun maila handitzeko helburuarekin, artzain eta gaztagile gisa. Beti esaten duen arren bere prestakuntza handia kalean eta ukuiluan izan dela, gainerakoak tituluak dira.
Gaur egun Karrantzan (Bizkaia) bizi da; bere familiari laguntzen dio artzaintzan eta baserriko lanetan. Aldi berean, Mutur Beltz proiektuaren kide sortzaile gisa garatzen du bere jarduera; non hainbat funtzio betetzen dituen Karrantzako ardia bultzatzeko. Horien artean, euskal artileari buruzko ikerketa lan zabala nabarmendu dezakegu, lehengai gisa balioa emateko eta, horrela, artzainek beren artileagatik bidezko prezioa jasoko duten ekonomia zirkular bat sortzeko helburuarekin.
Mutur Beltz-ekin, bere lana aitortu da Artisautzako Ekintzailetza Sari Nazionala (2024), Eusko Jaurlaritzaren Elkarlan Saria (2024), Don Producto-ren Lehengai Saria (2025) eta Karrantza Naturala Saria (2025).
LUR EDESA SILES
Karrantzan jaioa 2018an.
Ardiak eta txakurrak besarkatzen ditu, adarren artean barraskiloak etengabe bilatzen ditu, oiloei atzetik ibiltzen zaie eta sudurra pailazo bat bezala margotuta eramatea, abestea eta ilargiari begiratzea gustatzen zaio. Handitan, sirena izatea amesten du.
Mutur Beltz @ 2018